FACULTY OF EXACT AND NATURAL SCIENCES
FACULTY OF HUMANITIES
FACULTY OF SOCIAL AND POLITICAL SCIENCES
FACULTY OF PSYCHOLOGY AND EDUCATIONAL SCIENCES
FACULTY OF ECONOMICS AND BUSINESS
FACULTY OF MEDICINE
FACULTY OF LAW
ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის ფილოსოფიის ს/ს ინსტიტუტი 2021 წლის 17-18 ნოემბერს ატარებს იუნესკოს პროგრამის ფარგლებში ფილოსოფიის მსოფლიო დღისადმი მიძღვნილ საერთაშორისო კონფერენციას – „ფილოსოფია და თანამედროვეობა“, 21 ნოემბერს – სტუდენტთა რეგიონულ კონფერენციას, რომელიც ეძღვნება გამოჩენილი ქართველი ფილოსოფოსის, თანამედროვე დასავლური ფილოსოფიის მკვლევრის, ფილოსოფიის მეცნიერებათა დოქტორის, პროფესორ ვახტანგ ერქომაიშვილის დაბადებიდან 90-ე წლისთავს.
საერთაშორისო კონფერენციაში მონაწილეობას ღებულობენ მეცნიერები მსოფლიოს სხვადასხვა ქვეყნიდან, მათ შორის: პროფ. მაია კიულე – ლატვიის უნივერსიტეტის ფილოსოფიისა და სოციოლოგიის ინსტიტუტის დირექტორი, პროფ. დანიელა ვერდუჩი – მსოფლიო ფენომენოლოგიის ინსტიტუტის თანათავმჯდომარე (მაჩერატას უნივერსიტეტი, იტალია), პროფ. მორის კიულისი – ფილოსოფიის მეცნიერებათა დოქტორი, ლატვიის უნივერსიტეტი (ლატვიის რესპუბლიკა), თათია ბასილაია – ჩარლზის უნივერსიტეტის დოქტორანტი (პრაღა, ჩეხეთის რესპუბლიკა).
საქართველოს უნივერსიტეტებიდან მონაწილეობენ: ქუთაისის აკაკი წერეთელის სახელმწიფო უნივერსიტეტის, ბათუმის შოთა რუსთაველის სახელმწიფო უნივერსიტეტის, თბილისის პოლიტექნიკური უნივერსიტეტის, თელავის იაკობ გოგებაშვილის სახელობის სახელმწიფო უნივერსიტეტის პროფესორ-მასწავლებლები და სტუდენტები.
საერთაშორისო კონფრენციის ჩატარების ადგილი: თსუ I კორპუსი, მუზეუმი, 210-ე აუდიტორია.
კონფერენციის გახსნა-მისალმებები (10:00 -10:30 ):
- ჯაბა სამუშია, აკადემიკოსი, თსუ რექტორი
- ნანა გაფრინდაშვილი, პროფესორი, თსუ ჰუმანიტარულ მეცნიერებათა ფაკულტეტის დეკანი
- დემურ ჯალაღონია, პროფესორი, თსუ ფილოსოფიის ინსტიტუტის ხელმძღვანელი, კონფერენციის საორგანიზაციო კომიტეტის სახელით – ერქომაიშვილის ფენომენი
- მარიკა ერქომაიშვილი, თსუ გამომცემლობის სამეცნიერო მენეჯერი, ფილოლოგიის მეცნიერებათა დოქტორი – მოგონებები მამაზე
სესიების დაწყების დრო: 10:30 სთ.
დამატებითი ინფორმაციისთვის იხ. დანართი:
